MARIVELES, Bataan — Isang trabahador na nakatalaga sa seawater intake pump house ng GNPower, isa sa mga planta ng kuryente na nag-ooperate sa bayang ito, ang namatay noong Sabado (Hunyo 13) matapos umanong masabit ang kanyang safety harness sa crane hoist cable, na humigpit sa kanyang katawan, sabi ng mga awtoridad.
Kinilala ng pulisya ang biktima na si Marko Puno, na isinugod sa Bataan Provincial Hospital and Medical Center sa Balanga City ngunit idineklara itong dead on arrival.
Batay sa ulat ng pulisya, alas-2:12 ng hapon nang maganap ang aksidente, habang nagtatrabaho ang biktima malapit sa overhead crane. Alas-4:18 ng hapon siya na-extricate, bagama’t bandang alas-7:50 ng gabi lamang ng araw na iyon ay iniulat lamang sa mga awtoridad ang insidente.
BASAHIN: Trabaho, patay, 9 sugatan sa sunog ng power plant sa Pagbilao
Idinagdag sa ulat na ang agarang rescue at emergency response na mga hakbang ay isinagawa sa pinangyarihan.
Sinabi ng GNPower management na maglalabas ito ng opisyal na pahayag hinggil sa insidente. /das
