MANILA, Philippines — Sinuportahan ni Solicitor General Menardo Guevarra nitong Huwebes ang Philippine National Police (PNP) sa pagsasabing hindi ito magsasagawa ng warrant of arrest laban kay dating pangulong Rodrigo Duterte mula sa International Criminal Court (ICC).
“Ang pahayag ng PNP na hindi nito ipapatupad ang anumang warrant na maaaring ilabas ng ICC ay bilang pagsunod lamang sa direktiba ng Pangulo na nagsasagawa ng kontrol sa executive department, kabilang ang pambansang pulisya,” paliwanag ni Guevarra.
Ipinunto pa ng Solicitor General na ang PNP at iba pang law enforcement officers ng bansa ang tanging awtorisadong magsilbi ng arrest warrant sa loob ng teritoryo ng Pilipinas.
BASAHIN: PNP, i-snub ang warrant of arrest para kay Duterte kapag nag-isyu ang ICC
Nitong weekend, sinabi ni ex-presidential spokesperson Harry Roque na sinabihan siya ni Duterte tungkol sa pagtanggap ng impormasyon na maaaring siya ay arestuhin anumang oras dahil sa imbestigasyon ng ICC sa drug war ng kanyang administrasyon.
Ayon kay Roque, nang sabihin sa kanya ni Duterte ang tungkol dito, hindi siya nakatulog.
