TACLOBAN CITY — Isang 33-anyos na babae at ang kanyang anim na taong gulang na anak ang nalunod matapos tangayin ng malakas na agos habang nangangalap ng shellfish sa baybayin ng Barangay Balaquid, bayan ng Cabucgayan sa Biliran noong Huwebes ng gabi, Hunyo 25.
Kinilala ang mga biktima na sina Elsa Esconejos, 33, at anak nitong si Jordan Esconejos, 6, kapwa residente ng barangay.
Sa ulat ng Coast Guard Station Biliran, dakong alas-8:30 ng gabi nang maganap ang insidente nang ang mga biktima na umano’y hindi lumangoy, ay nakipagsapalaran sa tubig upang manguha ng mga shellfish para sa kanilang pagkain.
Ang inisyal na imbestigasyon ay nagpakita na ang isang biglaang unos ay tumama sa lugar, na nagdulot ng malalakas na agos at malalaking alon na nagdala sa kanila sa malalim na tubig.
Iniulat ng Municipal Disaster Risk Reduction and Management Office (MDRRMO) ng Cabucgayan ang insidente sa mga otoridad, dahilan upang rumesponde ang mga tauhan ng Coast Guard Sub-Station Cabucgayan.
Pagdating nila bandang alas-8:45 ng gabi, sinabi ng mga responder na nakuha na ang bangkay ni Esconejos.
Isinagawa ang search and rescue operations para sa kanyang nawawalang anak.
Bandang alas-9:02 ng gabi, narekober ng search team ang bangkay ng binatilyo.
Ang mga labi ng mga biktima ay itinurn-over sa mga opisyal ng barangay bandang alas-10:30 ng gabi /apl
