MANILA, Philippines — Isang effusive eruption ang naitala sa Mayon Volcano para sa ika-192 araw noong Huwebes, Hulyo 16, ayon sa ulat ng Philippine Institution of Volcanology and Seismology (Phivolcs).
Nakunan ng footage ng Phivolcs ang strombolian activity sa summit crater ng Bulkang Mayon at pyroclastic density current mula 2:42 am hanggang 3:11 am
“Ang effusive eruption sa Mayon Volcano ay nagpapatuloy sa ika-192 na magkakasunod na araw, na nagdudulot ng incandescent lava flows at rockfalls,” sabi ng Phivolcs sa isang Facebook post.
Ayon sa 24-hour monitoring nito, nakapagtala ang Phivolcs ng 168 volcanic earthquakes, kabilang ang 13 volcanic tremors, 293 rockfalls, at 15 pyroclastic density current signals. Naglabas din ang bulkan ng humigit-kumulang 8,050 tonelada ng sulfur dioxide noong Miyerkules, na umaabot sa 1,800 metro mula sa bunganga.
BASAHIN: Lava effusion, naitala sa Mayon habang papasok ang bulkan sa ika-189 na araw ng kaguluhan – Phivolcs
Dahil nanatiling nasa ilalim ng Alert Level 3 ang Bulkang Mayon, na nagpapahiwatig ng mataas na magmatic unrest, ipinagbabawal pa rin ang pagpasok sa anim na kilometrong permanenteng danger zone, sabi ng Phivolcs. /das
