MANILA, Philippines — Arestado ang isang 29-anyos na lalaki na nahuling may dalang P6.8 milyong halaga ng hinihinalang crystal meth o shabu noong Huwebes ng gabi sa Pampanga, sabi ng Philippine Drug Enforcement Agency (PDEA).
Kinilala ng PDEA ang suspek na si Salahudin Amatonding, na ikinapit ng mga operatiba nito sa isinagawang buy-bust operation sa harap ng isang hotel sa kahabaan ng Highway Gugu sa Bacolor dakong alas-7:55 ng gabi
BASAHIN: Mahigit P200 milyong shabu ang nasabat ng PDEA sa Parañaque
Bukod sa 1,000 gramo ng shabu, nakumpiska rin ng mga awtoridad ang boodle money, isang mobile phone, at isang sasakyan mula sa naarestong indibidwal.
Kasalukuyang nasa kustodiya ng pulisya ang suspek, habang ang mga nakumpiskang iligal na droga ay itinurn-over sa PDEA.
Mahaharap si Amatonding sa mga reklamo dahil sa paglabag sa Section 5 ng Article 2 ng Republic Act 9165 o Comprehensive Dangerous Drugs Act of 2002.
