MANILA, Philippines — Inabangan nitong Lunes ni Pangulong Ferdinand “Bongbong” R. Marcos Jr. ang malapit na pakikipagtulungan sa Taiwan matapos ang pagkapanalo ni President-elect Lai Ching-te.
Nanalo si Lai sa presidential elections noong Sabado.
“Inaasahan namin ang malapit na pakikipagtulungan, pagpapalakas ng mga interes sa isa’t isa, pagpapaunlad ng kapayapaan, at pagtiyak ng kaunlaran para sa ating mga tao sa mga darating na taon,” sabi ni Marcos sa isang post sa X.
Ang pahayag ni Marcos ay sa gitna ng tensyon sa China sa West Philippine Sea.
Ang relasyon ng Maynila sa Beijing ay umigting noong 2023 matapos ang patuloy na pagpasok ng China sa karagatan ng Pilipinas.
“Sa ngalan ng sambayanang Pilipino, binabati ko si President-elect Lai Ching-te sa kanyang pagkakahalal bilang susunod na Presidente ng Taiwan,” ani Marcos.
