Sinabi ng Department of Migrant Workers (DMW) kahapon na bibigyan ng kinakailangang tulong ang mga naaresto at nakakulong na overseas Filipino worker (OFW) sa Japan.
Sa isang pahayag, sinabi ni DMW Officer-in-Charge Undersecretary Hans Leo Cacdac na handa ang gobyerno na tulungan ang OFW na iniuugnay sa pagkamatay ng mag-asawang Hapones na ang bangkay ay natagpuan sa kanilang tahanan sa Tokyo noong nakaraang linggo.
“Tinitiyak namin sa aming kababayan at sa kanyang pamilya ang aming lubos na tulong sa malapit na pakikipag-ugnayan kay Ambassador Milen Garcia at sa Embahada ng Pilipinas sa Tokyo,” sabi ni Cacdac.
Sinabi niya na inatasan niya ang Migrant Workers Office sa Tokyo (MWO-Tokyo) na makipagkita sa OFW upang alamin ang kanyang kalagayan at matukoy ang anumang agarang pangangailangan na maaaring kailanganin niya.
“Nakatiyak ang higit sa sapat na tulong legal sa nakakulong na OFW,” ani Cacdac.
