Nanawagan si Pangulong Marcos sa publiko na magkaisa at pangalagaan, protektahan, at itaguyod ang pagkakakilanlang Pilipino sa gitna ng mabilis at pagbabago ng panahon.
Sinabi ito ni Marcos sa kanyang pagbati sa mga taga-Iloilo, sa pagdiriwang ng Dinagyang Festival noong Linggo, Enero 28.
Sa kanyang mensahe, umaasa ang Pangulo na ang mga deboto ni Señor Sto. Niño ang mamumuno sa mga pagsisikap na mapanatili ang pagkakakilanlang Pilipino.
“Hayaan ang Dinagyang Festival na magsilbing paalala ng ating sama-samang responsibilidad na pangalagaan, protektahan, at itaguyod ang ating pagkakakilanlan sa pagbabago ng panahon,” aniya.
“Sa pamamagitan ng sama-samang pagsisikap na ito ay tinitiyak natin ang pagpapatuloy ng natatanging paraan ng pamumuhay na nagbubuklod sa atin bilang isang bansa na patuloy na sumusulong patungo sa isang mas maliwanag na hinaharap,” dagdag niya.
Ang Dinagyang Festival ay isang taunang inaasahang pagdiriwang sa Pilipinas bilang parangal sa Sto. Niño, ang Banal na Bata. Ito ay ipinagdiriwang tuwing ikaapat na Linggo ng Enero sa Iloilo City.
Inilarawan ni Marcos ang pagdiriwang bilang isang kaganapan na nagpapakita ng kasiglahan ng Iloilo at ang malalim na pakiramdam ng pagkakaisa at pagmamalaki na tumutukoy sa mapagmataas at matatag na mga tao nito.
“Ang Dinagyang Festival ay repleksyon ng mayaman at makulay na mosaic na bumubuo sa lahat ng ating mga katutubong grupo, kasama na ang magigiting at matatag na mga Ati na pinarangalan din natin ngayon,” he said.
