Bakit parang taun-taon na lang tayong hindi handa sa ulan at baha? Saan at kanino napupunta ang pondo ng taumbayan?
Ito ay isang transcript ng kung ano ang sabi ng reporter ng kapaligiran na si Iya Gozum sa video
MANILA, Philippines – Uy, mahiya naman daw ‘yung mga kurakot sa flood control projects diyan.
If na-miss mo ang SONA ni Pangulong Marcos, ‘yan basically ang cherry on top ng kanyang speech.
Pangulong Ferdinand Marcos Jr.: “Kaya sa mga nakikipagsabwatan upang kunin ang pondo ng bayan at nakawin ang kinabukasan ng ating mga mamamayan: Mahiya naman kayo sa inyong kapwa Filipino.”
O ‘di ba? Malaking salita mula sa isang Marcos.
Kakasuhan daw ang mga opisyal ng gobyerno na mapapatunayang kurakot, at ang mga kasabwat nila, matapos ang magiging imbestigasyon
Pangulong Ferdinand Marcos Jr.: “‘Wag na po tayong magkunwari, alam naman ng buong madla na nagkakaraket sa mga proyekto.”
Ilang linggo nang maulan sa Metro Manila and across the country. Apat na bagyo ang dumaan nitong buwan lang.
Pati ang SONA ni Pangulo, inulan. Kaya naman, pagbaha ang pinakaramdam na isyu. Ito rin ang pinangdulo ni Marcos sa kanyang speech.
Special mention, of course, ang DPWH na inutusan ni Marcos na maglabas ng listahan ng flood control projects na sinimulan o natapos in the last three years
Supposedly, isasapubliko itong listahan na ‘to para matingnan daw ng publiko at makita kung saan ba talaga napupunta ang pera nila.
Mas pinadadalas at pinatitindi ng climate change ang pag-ulan sa Pilipinas.
Pero hindi na ‘to bago: Taun-taon tayong nakakaranas ng habagat.
Mapapatanong ka naman talaga, ‘di ba?
Bakit parang taun-taon na lang tayong hindi handa sa ulan at baha?
Saan at kanino napupunta ang pondo ng taumbayan? – Rappler.com
