Inanunsyo ni Manila City Mayor Honey Lacuna-Pangan ang pagbabalik ng Rampa Manila noong Hunyo 19 sa Antonio Villegas Building sa Manila City Hall.
Ayon sa alkalde, nagpasya silang magdaos ng pangalawang edisyon ng fashion show dahil may yaman ng talento na nararapat bigyan ng spotlight.
“Gaya po noong isang taon, napakarami pong magagandang likha ang nakita natin sa atin pong mga local fashion designers, and I’m pretty sure ngayong taon po ay marami na naman tayong makikita from our very own,” the mayor said.
Tampok sa fashion show ngayong taon ang mga gawa ng Filipino fashion designer na sina Anthony Ramirez, Neric Beltran, Marc Rancy, Val Taguba, at Jhobes Estrella sa ilalim ng temang Textile, Texture, and Technique.
Dadalo rin sa event ang mga up-and-coming young fashion designers na sina Dhenyze Guevara, Morissette Magalona, at Joanna Santos.
Katulad noong nakaraang taon, ang kaganapan ay bilang pagdiriwang ng anibersaryo ng pagkakatatag ng Maynila.
“Bilang pagdiriwang ng araw ng Maynila, tamang-tama lang na sa taong ito ay ulitin natin ‘yung ‘Rampa 2.’ Dito po kasi sa Manila, maraming batikan at magagaling na mananahi, and of course mga bagong talento,” Lacuna said.
She continued, “Ang ating ultimate goal is pataasin ang antas ng industriya ng fashion, hindi lang sa Maynila, kundi sa buong Pilipinas, at makapagbigay pa ng inspirasyon lalong-lalo na po sa mga batang nagnanais ding pumasok sa industriya na ito.”
Ang mga inaasahang bisita para sa kaganapan ay kinabibilangan ng mga mula sa industriya ng fashion, mga magasin, mga publikasyon, at mga kilalang tao.
— LA, GMA Integrated News
