Nasungkit ni Ariana Tiu ang dalawang gintong medalya sa katatapos na Southeast Asian Fencing Federation (SEAFF) Championship na ginanap kamakailan sa Kuala Lumpur, Malaysia. Inuwi ng Grade 11 student ng Immaculate Concepcion Academy ang ginto sa cadet women’s individual saber bago nakipagtambalan kina Kaikaku Dela Serna at Meagan Co Say para pamunuan ang team event. Nanalo si Tiu ng apat sa kanyang anim na poule matches at sinimulan ang kanyang direct eliminations stint sa pamamagitan ng 15-8 tagumpay laban sa Chattay Napasorn ng Thailand. Tinalo niya ang kababayang si Maiev Boy sa quarterfinals, 15-11, bago patalsikin si Sum Suhui ng Malaysia, 15-13 sa semifinals. Binalikan ni Tiu ang isa pang hometown bet, si Natalie Wong, 15-10, sa finals para makuha ang ginto. Sa team event, nalagpasan ng Pilipinas ang A-team ng Malaysia, 45-44, para bingwit ang ginto.
