MANILA, Philippines — Niyanig ng magnitude 4.5 na lindol ang Cabangan, Zambales noong Martes ng gabi, iniulat ng Philippine Institute of Volcanology and Seismology (Phivolcs). Ang pagyanig, ani Phivolcs, ay naitala alas-6:54 ng gabi, kung saan ang epicenter nito ay natunton sa kanluran ng Cabangan. Ito ay tectonic ang pinagmulan at may mababaw na lalim na 10 kilometro. Nasukat ang lindol sa Instrumental Intensity II sa Iba, Zambales at Instrumental Intensity II sa Olongapo City, Botolan at Masinloc sa Zambales; Guagua, Pampanga at Dinalupihan, Bataan Walang inaasahang pinsala o aftershocks, ayon sa Phivolcs. Nauna nang iniulat ng Phivolcs na tumama ang magnitude 4.3 na lindol sa karagatan ng Hinatuan, Surigao del Sur noong Martes ng umaga.