Itinulak ni Pangulong Ferdinand “Bongbong” Marcos Jr. noong Huwebes ang mas malakas na Mindanao sa gitna ng mga panawagan para sa paghihiwalay ng rehiyon sa Pilipinas.
”Ang mas malakas na BARMM ay nangangahulugan ng mas malakas na Mindanao. A stronger Mindanao means a stronger Philippines bringing us closer to achieving our agendas,” sabi ni Marcos sa kanyang talumpati sa 17th meeting ng national government – Bangsamoro government Intergovernmental Relations Body (IGRB) sa Pasay City.
Binigyang-diin niya na hindi kumpleto ang Bagong Pilipinas kung walang progresibong Bangsamoro region.
Ang IGRB ay isa sa mga mekanismo ng intergovernmental na relasyon ng pambansa at Bangsamoro na pamahalaan na itinatag sa ilalim ng Bangsamoro Organic Law.
Ang katawan ay pangunahing nakatalaga sa koordinasyon at pagresolba ng mga isyu sa pagitan ng dalawang partido, partikular na ang mga may kaugnayan sa intergovernmental na relasyon, sa pamamagitan ng regular na konsultasyon at patuloy na negosasyon sa paraang hindi magkalaban.
Sa kasalukuyan, ang IGRB ay pinamumunuan ni Budget Secretary Amenah Pangandaman at Bangsamoro Government Education Minister Mohagher Iqbal bilang co-chairperson.
Ang talumpati ni Marcos ay dumating ilang araw matapos itaas ni dating Pangulong Rodrigo Duterte ang ideya na humiwalay ang Mindanao sa Pilipinas sa pamamagitan ng proseso batay sa pangangalap ng mga lagda.
Isang dating alkalde ng Davao City na nagsilbi ng maraming termino, sinabi ni Duterte na si Davao del Norte Rep. Pantaleon Alvarez ang unang nagtulak para sa “kanais-nais na humiwalay ang Mindanao sa Republika ng Pilipinas.” —KBK, GMA Integrated News
