MANILA, Philippines — Ang low pressure area sa silangan ng Mindanao ay naging Tropical Depression Querubin noong Martes ng hapon, ayon sa Philippine Atmospheric, Geophysical and Astronomical Services Administration (Pagasa).
Namataan ng state weather bureau ang bagyo sa layong 215 kilometro (kms) silangan-timog-silangan ng Davao City kaninang alas-4 ng hapon, na may pinakamataas na bilis ng hangin 45 kms per hour (kph), bugsong aabot sa 55 kph at dahan-dahang kumikilos timog-timog-kanluran.
Kaya naman, Itinaas ng Pagasa ang Tropical Cyclone Wind Signal No. 1 sa Davao Oriental.
“Ang Querubin ay inaasahang lilipat silangan-hilagang-silangan habang dahan-dahang lumalayo sa Davao Region sa susunod na 12 oras bago lumiko pahilaga bukas (18 Disyembre),” sabi ng Pagasa sa Martes ng hapon na update.
