LUCENA CITY — Patay ang isang lalaki noong Martes ng gabi sa sunog na tumupok sa kanyang bahay sa Imus City, Cavite.
Iniulat ng pulisya ng Region 4A noong Miyerkules, Setyembre 18, na nagmula ang sunog sa bahay na pag-aari ni “Virgilio” sa Barangay Bayan Luma V alas-11:50 ng gabi.
Narekober ng mga bumbero ang bangkay ng biktima sa loob ng nasunog na bahay, habang nagtamo naman ng paso ang asawa nitong si Pacita. Dinala siya sa ospital para magamot.
Napag-alaman ng mga imbestigador na faulty electrical wiring ang sanhi ng sunog.