APAT na kilalang artista at obrang Pilipino sa mga gawa ng arkitektura, landscape architecture at interior design ang kinilala ng National Commission for Culture and the Arts (NCCA) sa Haligi ng Dangal Awards 2024 na ginanap sa Metropolitan Theater noong Sept.14, 2024.
Binigyang-diin ng seremonya ang makabagong bansang Pilipino sa pamamagitan ng arkitektura at kaalyadong sining, na kumakatawan sa diwa at pagpapahalaga ng Pilipino na nakaugat sa katatagan, lakas at talino.
Si NCCA Chairman Victorino Manalo ang nagbigay ng pambungad na pananalita.
Ang mga nanalo ay ang Spin Hostel ni Edwin Uy para sa Architecture; Our Lady of Lourdes Chapel Church Grounds ni Vic Dul-Loog para sa Landscape Architecture; Agwas Bamboo Café ni Sheryl Mariñas para sa Interior Design; at Casa Nuan ni Kym Jaffina Pineda, People’s Choice.