MUKHANG may hindi pa maamin-amin ang Kapamilya TV host-actress na si Kim Chiu sa kanyang ka-love team na si Paulo Avelino.
Sa latest episode ng Rec•Create na uploaded nitong Linggo, March 30, sumalang ang salawa sa Lie Detector Challenge.
Ito ay parte ng pagpo-promote nina Kim at Paulo sa kanilang first movie together na “My Love Will Make You Disappear” na showing na ngayon sa mga sinehan.
Ang mechanics ng game ay magpaplitan sila ng tanong na inihanda ng Rec•Create at kapag nag-lie ay kailangan nilang inumin ang alak na nakahanda.
Baka Bet Mo: Paulo Avelino hindi naniniwala sa love language, Kim Chiu super react!
Tingnan ang post na ito sa Instagram
“Maging matapat. Nakita mo na ba ako ng higit pa sa isang kaibigan?” Tanong Ni Paulo Kay Kim.
“Hala, sobra naman! Ba’t ko naman sasabihin dito? Sa vlog ko na lang,” natatawang sagot ng dalaga.
Patuloy naman ang pagtawa ni Kim na hindi pa rin sinasagot ang tanong ng co-star.
“Sige, kung ano na lang ‘yong nasa isip mong sagot. ‘Yong sa ‘yo na lang muna,” sey ni Paulo.
Kaya naman hindi pa rin nalaman kung ano ang sagot ni Kim dahil nasa isip niya lang ito pero marami ang na-curious dahil hindi siya nakuryente.
For sure ay marami sa mga supporters ng KimPau ang mag-aabang sa magiging vlog ng aktres kung saan aaminin na niya ang real score sa pagitan nila ni Paulo.
Samantala, willing naman daw to go on a date si Paulo sakaling ayain siya ni Kim.
Matatandaang unang napanood ang dalawa sa hit series na “Linlang” kung saan gumanap sila bilang mag-asawa.
Hindi mai -save ang iyong subscription. Mangyaring subukang muli.
Ang iyong subscription ay naging matagumpay.
At dahil sa nakitaan ng chemistry sina Kim at Paulo ay naging magka-love team na ang dalawa.
Bumida pa nga ang dalawa sa Philippine adaptation ng KDrama series na “What’s Wrong With Secretary Kim?”
Base sa mga ulat ay umabot na ng P40-M ang kita ng kanilang first movie together.
