Pangulong Ferdinand Marcos Jr. ay nanawagan sa mga Filipino innovator na i-maximize ang “transformative power” ng agham at teknolohiya upang makamit ang isang inklusibo at napapanatiling Bagong Pilipinas.
Sa talumpati ni Executive Secretary Lucas Bersamin, kinilala ni Marcos ang mga Intellectual Property (IP) champions sa ginanap na “2024 Gawad Yamang Isip Awards Night” sa Makati City noong Lunes.
“Habang tayo ay nakatayo sa threshold ng Bagong Pilipinas, tinatawagan ko ang lahat ng naroroon ngayon na magkapit-bisig sa diwa ng pagkakaisa at pagtutulungan,” sabi ni Marcos.
“Sama-sama, gamitin natin ang transformative power ng agham at teknolohiya para bumuo ng isang bansa kung saan ang inclusive at sustainable development ay nagsisilbing pundasyon ng ating pambansang pag-unlad,” dagdag niya.
Hinikayat pa ng Pangulo ang partisipasyon ng publiko sa pagtatatag ng bansa bilang isang regional hub para sa matalino at sustainable manufacturing, innovation, creativity, at sustainability.
“Itatag natin ang Pilipinas bilang isang rehiyonal na hub para sa matalino at napapanatiling pagmamanupaktura, at isang lugar kung saan ang pagbabago, pagkamalikhain, at pagpapanatili ay sumisikat para sa mga susunod na henerasyon,” sabi niya.
Pinasalamatan din ni Marcos ang mga innovator sa pagkilala sa pagsisikap ng gobyerno sa pagtataguyod ng innovation at proteksyon ng intelektwal na ari-arian.
Nangako siya na ang kanyang administrasyon ay mananatiling matatag sa paghikayat hindi lamang sa gobyerno kundi maging sa mga katuwang sa pribadong sektor at akademya na lubos na gamitin ang mga benepisyo ng inobasyon hanggang sa pagtatapos ng kanyang termino.
Kinikilala ng Gawad Yamang Isip ang mga indibidwal at institusyon na may malaking kontribusyon sa pagpapabuti ng kalidad ng buhay ng mga Pilipino sa pamamagitan ng IP.—AOL, GMA Integrated News
