ED SHEERAN MANILA CONCERT – Nakatakdang magtanghal ang top-streamed band na Ben&Ben sa Mathematics Tour Manila stop ngayong Marso. Ang Pilipinas ay isa sa mga hinto ni Sheeran sa Asia at ang iba pang bansa ay Japan, Thailand, Singapore, Malaysia, Indonesia, at India.
Ed Sheeran Concert Sa Pilipinas: Ben&Ben Joins As Special Guest
Makakasama ni Ben&Ben sa entablado si Ed Sheeran para sa kanyang concert sa Pilipinas.
Isa sa pinakamabentang music artist sa buong mundo, si Ed Sheeran ay magsasagawa ng konsiyerto sa Maynila at isa si Ben&Ben sa kanyang mga espesyal na bisita.
Magkakaroon ng special performance ang nine-piece Filipino indie folk-pop band, Ben&Ben, sa concert ni Ed Sheeran sa Manila na magaganap sa Marso. Na-tap sila bilang isang espesyal na panauhin para sa ‘+ – = ÷ x’ o Mathematics Tour stop ni Sheeran.
Ang konsiyerto ay magaganap sa Marso 9 sa SMDC Festival Grounds sa Parañaque City.
Maaaring nagkataon lang o hindi pero ang SMDC Festival Grounds ang lugar kung saan ginanap ang Homecoming Concert ng Ben&Ben noong 2022 na dinaluhan ng 65,000 fans.
“Ma, special guest na kami ni Ed Sheeran sa concert niya (crying emoji) parang dati lang, nagcocover lang kami ng “perfect” sa Youtube. Never in our wildest dreams did we think this could happen. Surreal,” isinulat ng banda sa caption ng kanilang post.
Binubuo ang Ben&Ben nina Miguel Benjamin at Paolo Benjamin sa acoustic guitars at vocals, Poch Barretto sa electric guitar, Keifer Cabugao sa violin, Andrew De Pano at Toni Munoz sa percussion, Pat Lasaten sa keyboards, Agnes Reoma sa bass, at Jam Villanueva sa drums .
“Leaves,” “Make It With You,” “Panindigan Kita,” “Maybe The Night,” “Sa Mga Minsan Nating Minahal,” at “Pagtingin” ang ilan sa kanilang mga sikat na kanta. Sila ang most streamed OPM group at Spotify Philippines’ most streamed local artist para sa taong 2023. Nakamit nila ang 371 million streams at 15 million listener sa 184 na bansa.
Samantala, ang ticket para sa concert ni Sheeran ay mula Php 3,000.00 para sa CAT7 standing hanggang Php 20,500.00 para sa CAT1 reserved seating sections.
“Thinking Out Loud,” “The A Team,” “Shape of You,” “Give Me Love,” “Photograph,” “Perfect,” “Castle on a Hill,” “Galway Girl,” “Sing,” “Afterglow ,” “Bad Habits,” at “Shivers” ang ilan sa mga kanta ng Hollywood singer.
Ano ang masasabi mo dito? Ipaalam sa amin sa mga komento!
