MANILA, Philippines — Umabot sa 163 ang bilang ng firecracker-related injuries isang araw bago ang pagdiriwang ng Bagong Taon, ayon sa Department of Health (DOH).
Sinabi ng DOH nitong Lunes na namonitor nila ang bilang mula Disyembre 22 hanggang 30 ngayong taon.
Ayon sa ulat ng ahensya, ang bilang ng mga nasugatan ngayong taon ay 44 porsiyentong mas mataas kaysa sa naitala noong 2023, na 113.
BASAHIN: Nakapagtala ang DOH ng 142 firecracker-related injuries ilang araw bago ang Bagong Taon
Kaugnay nito, pinayuhan ng DOH ang publiko na hugasan ang kanilang mga sugat na may kinalaman sa paputok, takpan ito ng sterilized gauze bandage o malinis na tela, lagyan ng pressure ang sugat para tumigil ang pagdurugo, at tumawag sa 911 o 1555 para sa tulong.
Ang artikulo ay nagpapatuloy pagkatapos ng patalastas na ito
Para sa mga nagtamo ng mga pinsala sa malapit sa kanilang mga mata, sinabi ng DOH na dapat nilang hugasan ang kanilang mga mata ng maligamgam na tubig, iwasang hawakan ang apektadong bahagi, at pumunta sa pinakamalapit na ospital para sa anti-tetanus shot.
Bukod dito, ang mga hindi sinasadyang nakalunok ng paputok ay dapat kumain ng hilaw na puti ng itlog (anim hanggang walong piraso para sa mga bata at walo hanggang 12 para sa mga matatanda) bago pumunta sa pinakamalapit na ospital.
