LEGAZPI CITY, Albay Philippines — Patay ang isang dating sundalo, habang sugatan ang isa pa sa insidente ng pamamaril noong Lunes sa bayan ng Tinambac sa lalawigan ng Camarines Sur.
Kinilala ni Police Brigadier General Andre Dizon, hepe ng Bicol police, nitong Martes, Hunyo 11, ang napatay na si Rey Alain Brugada, dating miyembro ng Philippine Army at dating punong barangay sa Mananao. Sugatan si Mary Jane Mayhay, pinuno ng Tinambac Public Safety Office.
Paulit-ulit na binangga ng hindi pa nakikilalang mga suspek ang sasakyang minamaneho ni Mayhay sa Barangay Bagacay alas-5:15 ng hapon.
BASAHIN: 2 magsasaka ang patay sa magkahiwalay na insidente ng pamamaril sa Camarines Sur
Dead on the spot si Brugada matapos magtamo ng mga tama ng bala sa iba’t ibang bahagi ng katawan. Dinala si Mayhay sa ospital para magamot.
Sinabi ni Dizon na inaalam pa nila ang background ng mga biktima at ang motibo sa likod ng insidente.
