DELFIN ALBANO, Isabela — Isang 49-anyos na manager ng pribadong kumpanya ang binaril at napatay sa barangay ng San Juan dito ng dalawang hindi pa nakikilalang armadong sakay ng motorsiklo nitong Biyernes ng hapon.
Sinabi ng Delfin Albano police sa ulat nitong Sabado, Hulyo 6, na nakaupo sa terrace ng kanilang bahay ang biktimang si Pablo Ubal Jr. kasama ang kanyang ama dakong alas-4:35 ng hapon nang pumasok ang mga suspek sa kanilang bakuran upang magtanong ng direksyon patungo sa bayan ng Santo Tomas.
Gayunman, biglang binaril ng mga salarin si Ubal ng ilang beses sa iba’t ibang bahagi ng katawan at saka tumakas.
Namatay si Ubal habang dinadala sa ospital.
Inilunsad ang imbestigasyon sa insidente.