MANILA, Philippines — Bumagsak ang isang Cessna 172 aircraft sa karagatan ng bayan ng San Fernando sa lalawigan ng La Union nitong Martes, na nagresulta sa pagkasugat ng dalawa nitong pasahero.
Ayon sa Civil Aviation Authority of the Philippines (Caap), agad na tinawagan ng aircraft ang San Fernando Tower sa San Fernando Airport at nagdeklara ng emergency pagka-take off bandang 8:23 am.
Pagkatapos ay bumagsak ang eroplano sa tubig.
“Dalawang pasaherong sakay ang nailigtas na may iniulat na minor injuries at isinugod sa ospital,” sabi ni Caap sa isang advisory.
Sinabi ng CAAP na inaalam pa ng mga aircraft accident investigators ang sanhi ng pagbagsak ng Cessna 172.
