LUCENA CITY — Isang sundalo ng Philippine Army ang binaril at napatay noong Huwebes, Disyembre 26, ng hindi pa nakikilalang gunman sa bayan ng San Mateo sa lalawigan ng Rizal.
Sa ulat nitong Biyernes, sinabi ng Region 4A police na ang bangkay ni Corporal Christian Tapia, 30, ay natagpuang nakahandusay sa kahabaan ng Timberland Avenue sa Barangay Malanday dakong alas-10 ng umaga.
Sinabi ng pulisya na nakarinig ng putok ng baril ang isang security guard at nang magsagawa ito ng paghahanap, natagpuan niyang patay ang biktima na may tama ng bala sa ulo.
BASAHIN: Pastor ng simbahan, patay sa pamamaril sa Rizal
Kinilala sa ulat ang biktima bilang isang intelligence operative sa 80th Infantry Battalion ng Army.
Patuloy ang imbestigasyon upang matukoy ang pagkakakilanlan ng gunman at ang motibo sa likod ng insidente. INQ
