May kabuuang 274 katao ang naaresto dahil sa paglabag sa election gun ban noong Martes, sinabi ng Philippine National Police (PNP) nitong Miyerkules.
Sa isang update, sinabi ng PNP na karamihan sa mga nahuli na indibidwal ay naiulat sa Metro Manila na may 75, sinundan ng Central Luzon na may 67 at Central Visayas na may 32.
Kabilang sa mga naarestong lumabag sa election gun ban ay dalawang tauhan ng Armed Forces of the Philippines, dalawang tauhan mula sa iba pang ahensya ng gobyerno, isang itinalagang opisyal ng gobyerno, 10 security guard, at dalawang dayuhan.
May kabuuang 279 na baril ang nasamsam kabilang ang 128 revolver, 74 pistola, pitong pampasabog, anim na shotgun, isang M15 A2 rifle, at 63 iba pa.
Batay sa Comelec Resolution No. 11067, epektibo ang gun ban simula Enero 12 hanggang Hunyo 11 sa layuning mabawasan ang karahasan na may kinalaman sa halalan.
Nagsimula rin ang panahon ng halalan noong Enero 12, kung saan nakalagay ang mga checkpoint ng Comelec.
Ang campaign period para sa senatorial candidates at party-list groups ay itinakda mula Pebrero 11 hanggang Marso 10, 2025. Samantala, ang campaign period para sa mga kandidato para sa House of Representatives at parliamentary, provincial, city at municipal elections ay mula Marso 28 hanggang Mayo 10 .
Ang Araw ng Halalan ay sa Mayo 12, ngunit ang mga botante sa ibang bansa ay maaaring bumoto mula Abril 13 hanggang Mayo 12, habang ang mga lokal na absentee na botante ay maaaring bumoto mula Abril 28 hanggang 30.
—VAL, GMA Integrated News
