TUGUEGARAO CITY, Cagayan – Hindi bababa sa 21 pamilya o 95 katao sa tatlong bayan ng Cagayan ang inilipat sa mga evacuation centers habang hinagupit ng Severe Tropical Storm Kiyapo ang ilang bahagi ng Northern Luzon, sinabi ng Provincial Disaster Risk-Reduction Management Office (PDRRMO) nitong Biyernes.
Kabilang sa mga evacuees ang apat na pamilya o 15 katao mula sa Casagan, bayan ng Santa Ana; dalawang pamilya o 21 tao sa Lal-lo; at 15 pamilya o 59 na indibidwal sa Gonzaga.
Ayon sa PDRRMO, namahagi ng mga relief goods at household kits ang mga lokal na pamahalaan sa mga apektadong lugar sa mga lumikas na pamilya.
Ang Kiyapo ay lumakas at naging isang matinding tropikal na bagyo simula alas-7 ng gabi noong Biyernes, ayon sa state weather bureau. /gsg
