SULTAN KUDARAT, Maguindanao del Norte (MindaNews / 15 Nobyembre) – Patay ang dalawang miyembro ng Philippine National Police Special Operations Unit ng Drug Enforcement Group-Bangsamoro Autonomous Region, habang dalawa ang sugatan sa pakikipagbarilan sa mga suspek sa isinagawang buy-bust operation. noong Biyernes ng tanghali.
Kinilala ni Lt Col Jopy Ventura, tagapagsalita ng Police Regional Office-BARMM ang mga nasawi na sina Corporal Roselyn Bulias at Patrolman Kirt Sipin.
Kinilala ang dalawang sugatang operatiba na sina Patrolman Jonel Ramos at Patrolman Eddie Sugarol, na kasalukuyang nilalapatan ng lunas.
Nasamsam ang isang kilo ng hinihinalang shabu mula sa dalawang suspek na sina Suhod Kasim at Ting Katulangan na nasugatan at naaresto. Agad silang dinala sa isang lokal na ospital para magamot.
Nakatakas naman ang dalawa pang suspek at nagsasagawa ng manhunt operation para sa kanila.
Samantala, kinondena ni Lt Col. Joel Esaris, dating hepe ng special operations unit, ang pagkamatay ng dalawang pulis. (Ferdinandh B. Cabrera/MindaNews)
