ORION, Bataan- Arestado ang isang high-value drug suspect at isang senior citizen na may tinatayang P383,000 halaga ng hinihinalang shabu kasunod ng buy-bust operation nitong Biyernes ng madaling araw sa Orion, Bataan.
Kinilala ng pulisya ang mga suspek na sina “Malik,” 40, at isang “Anto,” 66, kapwa residente ng Mountain View, Mariveles, Bataan.
Nasa kustodiya na ngayon ng Orion police station ang mga suspek at nahaharap sa mga reklamong may kinalaman sa droga.
Tinutunton ng Bataan Police Drug Enforcement Unit at mga operatiba ng Orion police ang pinagmulan ng iligal na droga at patuloy ang paglaganap nito sa lalawigan na tinaguriang “drug-free” province sa Central Luzon. INQ
