LEGAZPI CITY — Arestado ang dalawang indibidwal at nasamsam ang P569,000 halaga ng hinihinalang smuggled na sigarilyo sa isinagawang maritime patrol operation sa Mercedes, Camarines Norte, noong Biyernes, Hulyo 17.
Sa ulat na inilabas nitong Sabado, sinabi ni Col. Dave Mejia, acting provincial police director, na naharang ng mga tauhan ng Camarines Norte Maritime Police Station ang mga suspek, na kinilala lamang sa kanilang mga alyas na “Kiko” at “Isong,” habang sila ay sakay ng isang motorized banca sa Barangay Lalawigan alas-11:45 ng umaga.
BASAHIN: P1.32-M smuggled na sigarilyo ang nasabat ng PCG sa daungan ng Dapitan City
Narekober ng mga awtoridad ang 500 ream ng iba’t ibang tatak ng sigarilyo na sinasabing dinadala nang walang kinakailangang mga dokumento sa buwis.
Inaasahang mahaharap ang mga suspek sa kasong paglabag sa National Internal Revenue Code of 1997, sabi ng pulisya. /das
