MANILA, Philippines — Nakatakdang magsama muli ang dating magkasintahan na sina Julia Barretto at Joshua Garcia sa pelikulang “Un/Happy For You” na ipalalabas sa mga sinehan ngayong taon.
Inanunsyo ng ABS-CBN PR sa social media accounts nito ang reunion movie ng dating mag-asawa na ipo-produce ng Star Cinema at Viva Films.
“Magsasama muli sa big screen sina Joshua Garcia at Julia Barretto sa kanilang reunion project under Star Cinema at Viva Films na ‘Un/Happy For You,'” sa direksyon ni Petersen Vargas,” ABS-CBN wrote.
Sa ulat ng ABS-CBN News, sinabi ni Joshua na hindi siya nagdalawang-isip na makipagbalikan sa dati niyang kasintahan.
“Nung nalaman ko ‘yung project, sabi ko yes agad kasi ang tagal na rin kasi nung agwat nung panahon na nag-work kami before kasi mga teenager kami,” he said.
Handa ka na bang masaktan at humagulhol sa sinehan, Kapamilya? ????????#UnhappyForYou malapit na sa mga sinehan! ???? ????#NewMovieAlert#JoshLia pic.twitter.com/eww88akCZu
— ABS-CBN PR (@ABSCBNpr) Abril 24, 2024
“Ngayon, I can say nag-mature na rin kami, lumaki na kami, literal. Exciting lang, nagkanya-kanya kaming journey parang ngayon magbabalikan kami sa pelikula,” he added.
Para kay Julia, dumating ang pelikula sa tamang panahon.
“Over the years, there were several attempts to coming together. …At some point, when a good material comes along and a great team, of course, being reunited with Josh is such an exciting idea,” the actress said.
“It almost felt like it was already the right time, it’s the right material, we’re both in a good place in our life. I’m happy na magkakatrabaho tayo uli,” she added.
Nagbida sina Julia at Joshua sa mga hit na pelikulang “Vince and Kath and James” noong 2016, “Love You to the Stars and Back” noong 2017, “I Love You, Hater” noong 2018 at “Block Z” noong 2020.
KAUGNAY: ‘Okay naman kami’: Joshua Garcia willing to work with ex Julia Barretto again
