Natagpuang sugatan ang isang Philippine Eagle matapos itong mahuli sa bitag na ginawa para sa mga baboy-ramo, iniulat ng Unang Balita nitong Martes.
Ang sugatang agila ay natagpuan ng isang magsasaka sa Kabugao, Apayao.
Habang nasa veterinary office, napag-alaman na may ilang airgun pellets ang agila sa katawan nito.
Ang paggamot para sa ibon ay inaasahang tatagal ng dalawa hanggang tatlong buwan, pagkatapos nito ay ilalabas muli sa ligaw. —KBK, GMA Integrated News
