LEGAZPI CITY — Patay ang isang umano’y rebelde sa sagupaan ng tropa ng gobyerno at mga miyembro ng New People’s Army (NPA) Martes sa bayan ng Juban sa Sorsogon.
Sa isang huli na ulat noong Miyerkules, Hulyo 3, sinabi ni Major Frank Roldan, tagapagsalita ng 9th Infantry Division ng Philippine Army, na nagkaroon ng 30 minutong putukan ang 22nd Infantry Battalion sa tatlong rebeldeng NPA sa Barangay Biriran alas-5:20 ng umaga.
Sinabi ni Roldan na hindi pa rin nakikilala ang napatay na rebelde.
Narekober ng tropa ng gobyerno ang isang M653 rifle,l ammunition, at iba pang personal na gamit.
