Ihanda mo na ang mga wallet mo Filo SONEs, babalik na ng Manila si Taeyeon!
Inanunsyo ng Girls’ Generation member nitong Martes na dadalhin niya ang kanyang “The Tense” tour sa SM Mall of Asia Arena sa Marso 29.
Ang mga detalye ng tiket ay hindi pa inaanunsyo.
Bukod sa Maynila, ang “The Tense” ay sasabak sa mga pangunahing lungsod sa Asya tulad ng Seoul, Taipei, Jakarta, Singapore, Macau, Bangkok at Hong Kong.
Huli ang K-pop star dito sa Pilipinas noong July 2023 para sa kanyang “The Odd of Love in Manila.”
Nag-debut si Taeyeon sa Girls’ Generation noong 2007. Kilala ang grupo sa kanilang mga kanta na nangunguna sa chart na “Genie,” “Gee,” at “I Got A Boy” bukod sa iba pa. Huling nag-comeback ang eight-piece group noong 2022 sa kanilang album na “FOREVER 1.”
Noong 2015, nag-debut si Taeyeon bilang solo artist sa kantang “I.” —Jade Veronique Yap/JCB, GMA Integrated News
