MANILA, Philippines — Pupunta sa Vietnam si Pangulong Ferdinand “Bongbong” Marcos Jr. sa Vietnam para sa isang opisyal na pagbisita.
Umalis ang eroplano ni Marcos mula sa Villamor Airbase sa Pasay City alas-1:06 ng hapon Inaasahang mananatili siya sa Vietnam mula Enero 29 hanggang 30.
Ayon sa Department of Foreign Affairs (DFA), inimbitahan si Marco ni Vietnamese President Võ Văn Thưởng. Magpupulong sina Marcos at Văn Thưởng upang talakayin ang pagpapalalim ng kooperasyon sa pagitan ng dalawang bansa.
“Inaasahang makikipagpulong din ang Pangulo sa mga sektor ng negosyo para isulong ang ugnayang pangkalakalan at pamumuhunan sa pagitan ng Pilipinas at Vietnam, at gaya ng inaasahan, makikipagpulong din ang Pangulo sa Filipino community kung saan itatampok niya ang ating pakikipagkaibigan sa Vietnam,” sabi ng tagapagsalita ng DFA. Teresita Daza.
Sinabi ng DFA na may humigit-kumulang 7,000 Pilipino sa Vietnam, karamihan sa kanila ay mga propesyonal.
Iniwan ni Marcos si Vice President Sara Duterte bilang caretaker ng Pilipinas.
