MANILA, Philippines — Itinalaga bilang bagong undersecretary ng Department of the Interior and Local Government (DILG) si dating Iloilo City Mayor Jed Patrick Mabilog, na tumakas sa bansa matapos maiugnay sa illegal drug trade, ayon sa Malacañang nitong Miyerkules.
Ginawa ni Palace press officer Claire Castro ang kumpirmasyon sa isang Viber message sa mga mamamahayag matapos kumalat sa social media ang mga ulat tungkol sa bagong post ni Mabilog.
BASAHIN: Pinatawad ni Marcos si Jed Mabilog na iniugnay sa ilegal na droga ni Duterte
Noong Enero 2025, pinagkalooban ni Pangulong Ferdinand Marcos Jr. si Mabilog ng presidential pardon kaugnay ng kanyang kasong administratibo noong 2017.
Noong taong iyon, si Mabilog ay na-dismiss ng Office of the Ombudsman dahil sa hindi pagpaliwanag ng kanyang kuwestiyonableng yaman na nagkakahalaga ng P8.9 milyon mula 2012 hanggang 2013. Binabalik din ng presidential pardon ang karapatan ni Mabilog na tumakbo para sa pampublikong tungkulin.
Inakusahan ni dating Pangulong Rodrigo Duterte si Mabilog na sangkot sa illegal drug trade.
Dahil sa takot sa kanyang buhay, umalis ng bansa si Mabilog noong Agosto 2017 para dumalo sa isang conference sa Japan.
Bumalik lamang si Mabilog sa Pilipinas noong Setyembre 10, 2024, sa ilalim ng bagong administrasyon upang linisin ang kanyang pangalan, bagama’t walang sinampahan ng kaso laban sa kanya kaugnay ng iligal na droga.
Noon ay sinabi ni Justice Secretary, ngayon ay Ombudsman, Jesus Crispin Remulla na ang pagbabalik ng dating alkalde ay maaaring dahil sa plano nitong muling ilunsad ang kanyang political career. /das
