Ito ang buod na binuo ng AI, na maaaring may mga error. Para sa konteksto, palaging sumangguni sa buong artikulo.
Nanalo si Rachel Gupta ng India sa korona ng Miss Grand International 2024
MANILA, Philippines – Tinanghal na first runner-up si CJ Opiaza, ang kinatawan ng Pilipinas sa Miss Grand International 2024, sa coronation night ng international pageant noong Biyernes, Oktubre 25, sa MGI Hall, Bravo BKK Mall, sa Bangkok, Thailand.
Kinatawan ni Opiaza ang Castillejos, Zambales, sa 2024 Miss Grand Philippines, at tinanghal na opisyal na taya ng Pilipinas sa international pageant noong Setyembre.
Si Rachel Gupta ng India ay pinangalanang Miss Grand International 2024, at kinoronahan ng kanyang hinalinhan, si Luciana Fuster ng Peru. Dinaig niya ang 68 iba pang kalahok.
Samantala, second runner-up si Thae Su Nyein ng Myanmar, habang third runner-up naman si Safiétou Kabengele ng France. Nagtapos si Talita Hartmann ng Brazil bilang fourth runner-up.
Si Nikki de Moura ang taya ng Pilipinas sa 2023 edition ng Miss Grand International, na maagang yumuko sa kompetisyon.
Sinundan ni Opiaza ang yapak nina Nicole Cordoves (2016) at Samantha Bernardo (2021), na parehong nagtapos ng first runner-up – pinakamataas na placement ng Pilipinas sa international pageant. – Rappler.com
