– Advertisement –
Pinapalawak ng flag carrier Philippine Airlines (PAL) ang operasyon nito palabas ng Clark International Airport sa muling paglulunsad ng mga flight papuntang Siargao.
Ang PAL kasama ang Luzon International Premier Airport Development Corp. (LIPAD), Department of Tourism-Region 3 at iba’t ibang aviation stakeholder groups ay nagdiwang ng inaugural service noong Disyembre 3.
“Ipinagmamalaki namin itong nagbabalik na serbisyo. Ang aming tatlong beses na lingguhang serbisyo ay magbibigay ng kadalian at kaginhawahan para sa mga residente at turista sa Central at Northern Luzon dahil hindi na kailangan ng land travel papuntang Metro Manila para kumonekta sa Siargao. Magagawa ng mga residente ng isla na tuklasin ang iba pang bahagi ng bansa sa pamamagitan ng aming mga flight palabas ng Clark,” sabi ni Rabbi Vincent Ang, PAL Express president, sa isang pahayag. Ang PAL ay nagpapatakbo ng tatlong beses lingguhan sa pagitan ng Clark at Siargao gamit ang 86-seater na De Havilland Dash 8-400 Next Generation aircraft sa pamamagitan ng PR 2875 tuwing Martes, Huwebes at Sabado.
