Sinabi ng Department of Foreign Affairs (DFA) nitong Miyerkules na pinag-iisipan nitong maghain ng resolusyon sa United Nations General Assembly (UNGA) para tugunan ang patuloy na pananalakay ng China sa West Philippine Sea.
Ibinahagi ni Nueva Ecija 2nd District Representative Joseph Gilbert Violago, ang itinalagang sponsor ng panukalang P27.392-bilyong badyet ng DFA at mga kalakip na ahensya nito para sa 2025, ang anunsyo sa deliberasyon ng budget sa plenaryo ng Kamara.
“Mr. Speaker, Your Honor, ang DFA ay may plano ho talagang mag-file ng resolusyon (the DFA really plans to file a resolution) with the UN General Assembly on the Philippines’ territorial claims in the West Philippine Sea,” Violago said.
“Ang rekomendasyon na maghain ng partikular na resolusyon sa United Nations General Assembly ay kailangang sumailalim sa pangangailangan at pag-iingat. Pinahahalagahan ng Kagawaran ang rekomendasyon at patuloy na pinag-aaralan ang implikasyon nito,” dagdag niya.
Ginawa ni Violago, sa ngalan ng DFA, ang paliwanag nang tanungin ni OFW party-list Rep. Marissa “Del Mar” Magsino ang posisyon ng DFA sa mga rekomendasyon para isulong ang isyu tungkol sa mga pag-atake ng China sa mga Pilipino sa West Philippine Sea.
Ayon sa kanya, pinananatili ng DFA ang pananaw na ang UNGA ang lugar para sa mga desisyon sa mga isyu sa pag-unlad ng tao na may kinalaman sa mga kondisyong kinakaharap ng sangkatauhan sa kabuuan, at hindi lugar para sa mga debate sa pulitika.
Binigyang-diin din ng solon ang kahalagahan ng mapayapang pag-uusap sa pagtugon sa matagal nang isyu sa rehiyon.
“Ang role ng DFA ay ika nga maiparating sa bansang China ang ating mga karapatan sa West Philippine Sea. Kaya naman po patuloy ang tinatawag nating mga bilateral talks at mga pangangamapanya regarding sa teritoryong,” Violago said.
“Ang tungkulin ng DFA ay maiparating sa China ang ating mga karapatan sa West Philippine Sea. Kaya patuloy tayong nagsasagawa ng bilateral talks at mga kampanya hinggil sa ating teritoryo.)
“Alam naman natin Mr. Speaker na kahit sabihin nating paulit ulit na ginagawa ito, pinaka-epektibo pa ring paraan ang isang pakikipag-usap, rather than dumating tayo sa isang marahas na pangyayari. Kaya laging peaceful talks at communication sa China ang ating ginagawa,” he continued.
“Mr. Speaker, kahit sabihin natin na paulit-ulit lang ginagawa itong mga pag-uusap, alam naman natin na communication pa rin ang pinaka-epektibong paraan, kaysa dumating tayo sa isang marahas na kaganapan. Kaya palagi tayong nagsasagawa ng mapayapang pag-uusap at nakikipag-usap sa China. )
Kakatawanin ni Foreign Affairs Secretary Enrique Manalo ang Pilipinas kung magpapatuloy ang bilateral talks sa China sa sideline ng UNGA ngayong buwan sa New York, ayon kay Philippine Ambassador to the United States Jose Manuel “Babe” Romualdez.
Sinabi ni Romualdez na ang agenda ng Maynila ay “follow up” sa pagpapababa ng tensyon sa WPS habang ang gobyerno ay nagpapatuloy sa kanilang diplomatikong pagsisikap upang matugunan ang mga isyu sa rehiyon.
Idinagdag ng envoy na layunin ng gobyerno na magpadala ng mensahe sa China na bukod sa Pilipinas, hindi rin sinasang-ayunan ng ibang mga bansa ang “delikadong aksyon” ng Asian Superpower sa rehiyon.
Idinemanda ng gobyerno ng Pilipinas ang China sa harap ng international arbitral tribunal sa The Hague noong 2013. Nagdesisyon ito pabor sa Pilipinas noong Hulyo 2016 nang ibasura nito ang nine-dash claim ng China sa South China Sea.
Gayunpaman, tinanggihan ng China ang panawagan ng Pilipinas na sumunod sa 2016 arbitration ruling, na naglalarawan sa desisyon na “ilegal at di-wasto.” — RSJ, GMA Integrated News
