SORSOGON CITY — Nasamsam ng mga awtoridad ang P90 milyong halaga ng hinihinalang shabu (crystal meth) sa isang operasyon sa Matnog port sa lalawigan ng Sorsogon noong Sabado, Setyembre 28.
Sinabi ng Philippine Drug Enforcement Agency (PDEA) Region V sa isang ulat noong Linggo, Setyembre 29 na ang operasyon ay nagbunga ng 18 kilo ng shabu na nagkakahalaga ng P90 milyon.
Arestado din ang dalawang drug trafficker na sina Jehamin Kumpi at Kabilan Arsad Yusop sa operasyon na naganap dakong alas-10 ng gabi sa loob ng compound ng pantalan.
Parehong residente ng Shariff Aguak, Maguindanao.
Nakumpiska rin ng mga awtoridad ang tatlong cellular phone at mga identification card ng mga suspek.
Ang artikulo ay nagpapatuloy pagkatapos ng patalastas na ito
Nasa kustodiya na ngayon ng PDEA Bicol ang mga suspek at mahaharap sa kasong paglabag sa Comprehensive Dangerous Drugs Act of 2002.
