Sa kanyang recent vlog post, humingi ng tawad si Ogie Diaz sa mga celebrities na ‘na-offend’ sa kanyang mga update sa showbiz.
Bago buksan ang pinakabagong episode mula sa “Ogie Diaz Showbiz Update” YouTube channel, hinarap ng content creator/talent manager ang mga bashers ng kanyang channel. “Bahagi ‘yan ng pinasukang vlog at alam mo, masasaktan lang naman ako kung mga kaibigan na nakakakilala sa’kin ‘yong mga bashers ko,” he said. “Pero ‘yung mga hindi naman ako lubos na kilala, e normal ‘yun. OK lang ‘yun, naiintindihan ko sila.”
Kaugnay nito, inusisa ng kanyang co-host na si Mama Loi kung mayroon bang mga kaibigan niya mula sa show business industry na galit sa kanya ngayon dahil sa mga ibinalita niya sa channel. To which Diaz responded, “Wala. Wala pa, so far.”
Mga kaugnay na artikulo:
Pagkatapos, nagpatuloy siya sa pagbibigay ng mas detalyadong paliwanag sa mga ups and downs ng pagiging isang showbiz insider.
“Aaminin namin ah, siyempre we really have to please everybody. Ako, kahit matagal na po ako sa industriya, e siyempre may nakakatampuhan pa rin akong artista, may mga nakakaaway pa rin akong artista, merong artista na sumasama ang loob sa amin; [but] at the same time, meron din namang mga artistang nagpapasalamat sa amin, naappreciate ang ginagawa namin, ‘yung mga binabalita namin, ‘yung pagtulong namin at pagsuporta sa kanilang career, o kaya sa kanilang mga pelikula na ipalalabas na. ‘Di ba? Nagpapasalamat naman sila. So balanse lang din ang buhay.”
Gayunpaman, naramdaman niyang kailangan niyang humingi ng paumanhin sa mga maaaring naapektuhan ng kanilang mga ulat. He continued, “Pero siyempre, kung meron man kaming mga nasaktan dito, alam mo, tao lang din sila. Tao lang din tayo. Kung sa palagay ninyo, kami ay naka-offend, e humihingi po kami ng sorry.”
“We cannot please everybody, so kung na-offend man ‘yung iba sa aming mga binabalita namin dito–sa pangkalahatan po ha, in general–kami po ay humihingi ng sorry. Sa mga artista, feeling nila na-offend namin sila, sorry po.”
To listen to his full statement, watch the full episode of ” MGA ANAK NI MELAI, GUSTONG MANAPAK! 🔴 KATHNIEL AND ANDREA FANS, EXPLAIN ULI NAMIN, HA?” ng Ogie Diaz Showbiz Update YouTube channel sa ibaba.
