MANILA, Philippines — Tatlumpu’t isang estudyante sa Alfonso Castaneda, Nueva Vizcaya ang sugatan matapos gumuho ang hanging bridge na kanilang tinatahak, ayon sa pulisya.
Naitala ang insidente dakong alas-8:40 ng umaga noong Huwebes, sa boundary ng Sitio Melina at Sitio Diogan sa Barangay Abuyo.
Ayon sa Nueva Vizcaya police, papunta sa school-based intramurals sa open court ng Sitio Diogan ang mga estudyante at faculty member ng Abuyo National High School – 91 estudyante, walong umpires, apat na coach, at apat na officiating officials.
Batay sa imbestigasyon, inatasan ni Robelle de Leon, isang guro, ang mga estudyante na tumawid sa tulay nang batch.
“Tigli-lima lang muna,(lima lang ang dapat tumawid)” sabi ni de Leon, tulad ng sinipi sa ulat ng pulisya.
Ang artikulo ay nagpapatuloy pagkatapos ng patalastas na ito
Sa kabila ng utos, hindi umano tumawid sa tulay ang mga estudyante nang batch, dahilan para gumuho ang tulay.
Ang mga nasugatang estudyante ay dinala sa ospital para sa karagdagang medikal na pagsusuri at interbensyon, ayon sa pulisya. (Emmanuel John Abris, INQUIRER.net intern)
