CEBU CITY – Arestado ang isang high-value suspect sa isinagawang anti-drug buy-bust operation sa loob ng Chinese cemetery dito at nasamsam sa kanya ang P2.3 milyong halaga ng hinihinalang shabu.
Kinilala ni Police Lt. Christopher Irwin Sanchez Jr. ang 22-anyos na suspek bilang isang “Dugong,” residente ng Barangay Mabolo.
Ang artikulo ay nagpapatuloy pagkatapos ng patalastas na ito
Si Dugong ay dinakip ng mga operatiba ng City Drug Enforcement Unit sa loob ng sementeryo sa Barangay Carreta matapos itong makipagtransaksyon sa isang poseur buyer noong Linggo ng gabi.
Ang 350 gramo ng drogang nasamsam ay isinumite sa Crime Laboratory habang sinampahan ng kasong droga ang suspek.
