LUCENA CITY — Arestado ng pulisya ang isang umano’y gun runner sa isang buy-bust operation nitong Martes, Setyembre 10, sa Calamba City, lalawigan ng Laguna.
Sa ulat ng Region 4A police, nahuli si “Neil” alas-12:33 ng madaling araw sa Barangay Palo Alto matapos itong mag-alok ng undocumented caliber .38 revolver na may kargang anim na bala sa isang police agent na nagpanggap na buyer sa halagang P1,000.
Nadatnan din ng mga pulis ang suspek na may bitbit na hand grenade.
Patuloy ang imbestigasyon ng pulisya para matukoy ang pinagmulan ng baril at ang pampasabog.
Isasailalim nila ang nakumpiskang baril sa ballistic at cross-matching examinations upang matukoy kung ginamit ang mga ito sa mga nakaraang insidente ng krimen.
Ang artikulo ay nagpapatuloy pagkatapos ng patalastas na ito
Ang hinihinalang gun runner ay nakakulong at mahaharap sa kasong illegal possession of firearm sa ilalim ng “Comprehensive Firearms and Ammunition Regulation Act.”
