MABALACAT CITY, PAMPANGA — Arestado ng mga pulis ang dalawang hinihinalang drug traders na nakuhanan umano ng P1,088,000 halaga ng shabu (crystal meth) sa buy-bust operation sa Lungsod ng San Fernando noong Miyerkules ng gabi, Hulyo 3.
Sa isang pahayag nitong Huwebes ng hapon, Hulyo 4, kinilala ni Central Luzon police director Jose Hidalgo Jr. ang mga suspek na sina alyas “Tastas,” 32, at alyas “Ris ” 33.
Aniya, nagsagawa ng sting operation ang San Fernando special drug enforcement unit sa Quebiawan village bandang alas-9:45 ng gabi.
Nakumpiska umano sa dalawa ang 160 gramo ng shabu. Narekober din ang marked money na ginamit ng poseur-buyer.
Nakakulong ang mga suspek at nahaharap sa kasong paglabag sa Comprehensive Dangerous Drugs Act of 2002.
