TACLOBAN CITY – Suspendido ang klase at trabaho sa lungsod na ito at sa bayan ng Carigara, Leyte noong Miyerkules, Disyembre 18, dahil sa Tropical Depression Querubin.
Naglabas si Tacloban City Mayor Alfred Romualdez ng executive order noong Martes, na nagdedeklara ng suspensiyon ng trabaho at mga klase sa buong lungsod.
Aniya, ang pagsususpinde ay isang precautionary measure bilang pag-asam sa mga potensyal na panganib tulad ng malakas na pag-ulan, pagbaha, at pagguho ng lupa.
Sa Carigara, ipinag-utos din ni Mayor Eduardo Ong Jr. ang suspensiyon ng trabaho at klase sa lahat ng antas sa mga pampubliko at pribadong paaralan.
Hinimok ng Office of Civil Defense at Department of Interior and Local Government sa Eastern Visayas ang lahat ng lokal na pamahalaan sa rehiyon na bantayang mabuti ang sitwasyon at gumawa ng mga kinakailangang hakbang upang mapangalagaan ang mga buhay at ari-arian.
Ang artikulo ay nagpapatuloy pagkatapos ng patalastas na ito
Ayon sa weather forecast, inaasahang makakaranas ng mahina hanggang sa malakas na pag-ulan ang rehiyon dahil sa epekto ng Querubin.
