Ipagdiriwang ng Kapuso stars ang MassKara Festival 2024 sa Bacolod City.
Huwag palampasin ang Forever Young actress na si Nadine Samonte, at ang Batang Riles actors na sina Bruce Roeland at Antonio Vinzon sa kanilang pagdiriwang kasama ang mga Bacolodnon sa MassKara Festival ngayong taon.
Ang MassKara ay isa sa pinakaaabangang taunang pagdiriwang ng Pilipinas na nagaganap tuwing Oktubre.
Para makiisa sa pagdiriwang, nasa SM City Bacolod sina Nadine, Bruce, at Antonio sa ika-4 ng hapon sa Oktubre 27, 2024 para sa Kapuso Mall Show.
Alas-8 ng gabi, dadalo sa Kapuso Fiesta sa Bacolod City Public Plaza ang mga miyembro ng Shining Inheritance na sina Kyline Alcantara, Michael Sager, at Roxie Smith.
Maari pa ring sumali sa selebrasyon ang mga hindi makakasama sa pagdiriwang sa pamamagitan ng GMA Regional TV livestream, simula 4 am Ang espesyal na coverage ay mapapanood sa www.gmaregionaltv.com at iba pang GMA Regional TV social media accounts @GMARegionalTV, @GMARTVNews , at @GMANews.
