Inanunsyo ng South Korea-based Filipino global group na HORI7ON ang pagdaraos ng kanilang ikalawang konsiyerto sa Maynila noong Nobyembre.
Idaraos nila ang kanilang 2024 HORI7ON Concert sa Manila ‘Daytour: Anchor High” sa Nob. 3, 6 pm, sa SM Mall of Asia Arena.
“Check ng attendance! Iniimbitahan ka ng HORI7ON na mag-enroll sa kanila sa HORI7ON HIGH para sa kanilang ikalawang concert na gaganapin sa SM Mall of Asia Arena sa darating na ika-3 ng Nobyembre! More details about the concert will be revealed soon so get ready to take notes,” ayon sa kanilang anunsyo sa X.
HORI7ON (Jonathan Hicap)
Idaraos ng HORI7ON ang kanilang pangalawang konsiyerto sa Maynila sa Nobyembre (X)
Ito na ang pangalawang concert nila sa Maynila sa loob ng mahigit isang taon.
Ang HORI7ON, na binubuo nina Vinci, Kim, Kyler, Reyster, Winston, Jeromy at Marcus, ay nag-debut sa South Korea sa ilalim ng MLD Entertainment noong Hulyo ng nakaraang taon.
Noong Setyembre 9 noong nakaraang taon, idinaos nila ang kanilang “HORI7ON 1st Concert: Friend-SHIP (Voyage To Manila)” sa Araneta Coliseum.
Noong nakaraang buwan, inilabas nila ang “Sumayaw Sumunod,” ang kanilang bersyon ng 1978 na kanta ng Filipino band na Boyfriends.
