MANILA, Philippines — Nakatakdang magsagawa ng opisyal na pagbisita sa Pilipinas si Thailand Foreign Minister Maris Sangiampongsa sa Hulyo 4, kinumpirma ng Department of Foreign Affairs (DFA) nitong Lunes.
Ayon sa DFA, ito ang unang pagkakataon na bibisita si Sangiampongsa sa Pilipinas mula nang maupo siya noong Mayo 3.
“Sa pagbisita, tatalakayin nina Secretary Enrique Manalo at Foreign Minister Maris ang bilateral areas of cooperation, kabilang ang iminungkahing pagpupulong ng 6th Meeting of the Philippines-Thailand Joint Commission on Bilateral Cooperation, gayundin ang mga isyung pangrehiyon at pandaigdig na pinagkakaabalahan, kabilang ang ang sitwasyon sa South China Sea, Myanmar, at Gaza,” sabi ng ahensya.
Sinabi rin ng DFA na ang pagbisita ay magaganap alinsunod sa ika-75 anibersaryo ng bilateral na relasyon ng Pilipinas at Thailand.
“Ang Pilipinas at Thailand ay nagtatamasa ng isang matatag na relasyon at kapwa miyembro din ng Association of the Southeast Asian Nations,” dagdag nito.
