CAMP OLIVAS, Pampanga, Philippines — Patay ang isang opisyal ng Army matapos pagbabarilin sa kanyang tanggapan sa Angat, Bulacan nitong Sabado ng hapon.
Idineklarang dead on arrival sa Twin Care Hospital si Maj Dennis Moreno, 41, dahil sa maraming tama ng bala, ayon kay Brig. Gen. Jose Hidalgo Jr., Central Luzon police director.
Lumabas sa imbestigasyon na pumasok ang salarin sa opisina ni Moreno sa Barangay Marungko at paulit-ulit siyang binaril gamit ang maikling baril.
Tumakas ang salarin sakay ng motorsiklo.
Hindi pa matukoy ng mga probers ang salarin at matukoy ang motibo sa pagpatay.
