Binigyan lang ni Anthony Rosaldo ng advanced Christmas gift ang nanay niya!
Sa Instagram, ibinahagi ng Sparkle star ang larawan nila ng kanyang ina sa harap ng kanilang bagong tahanan.
“Eto na muna regalo ko sa ‘yo. [Three] bedroom townhouse unit muna saka na ‘yung mansion ha?” isinulat ni Anthony sa caption.
“Pero seryoso dapat matagal ko nang napagawa ito. Siguro matutuwa ‘yun si Papa and Kuya Andy kung buhay pa sila at makikita nila ito,” he added.
Sinabi ni Anthony na ang sarap sa pakiramdam na nabubuhay ang kanyang pinaghirapan.
“Lalo tuloy akong inspired galingan pa sa trabaho! Focus lang tayo sa goals! Let’s go!” isinulat niya.
Si Anthony ay kabilang sa mga kalahok sa unang season ng “The Clash.”
Gumanap siya kamakailan sa “Regal Studio Presents: Monaylisa and Me” bilang si Ricky at gumanap bilang batang Hector sa “Ang Huling El Bimbo: The Musical” kasama si Gab Pangilinan at marami pa.
—Carby Basina/MGP, GMA Integrated News
